SACRUM IMPERIUM ROMANUM A.D. 800
INTERLINGUA - lingua 
commun pro le nove Europa!
Carolo Magne, le imperator del Imperio
Roman - le prime imperio paneuropee - restitueva le cultura greco-roman e le lingua latino ("Renascentia carolinge"). Su famose ministro de cultura era Alcuin.
    Hodie Europa besonia un nove 
renascentia, renascentia per  interlingua, le latino modernisate. 

Imperium Romanum AD 800

Carolo Magne

 Roma


 Premio del Carolo Magne


Alcuin  Parma Tours

Roland


Union Paneuropee


INTERLINGUA

Bruxelles. Alicia V. Morris

A. Gode   A.Martinet

Liverpool

UMI-XV-2001 Gdansk

IMPERIUM  ROMANUM  AD  800  -  LE  PRIME
 IMPERIO  PANEUROPEE

Carolo Magne - Charlemagne - Karl der Grosse (742-814), era un potente rege del francos. On pote consider que Europa in su forma moderne nasceva quando Carolo Magne era coronate de papa Leo como le imperator del Imperio Roman (Imperator Romanorum) AD 800 in le Cathedral de Sancte Petro in Roma. Quando le ancian Imperio Roman habeva essite un stato mediterranee/african, le imperio del Carolo Magne habeva su centro de gravitation in nord, in Germania. Illo univa tres mares: Le Mar Atlantic, le Mar Mediterranee e le Mar Baltic. Le capital del nove Imperio Roman era Aachen - Aken - Aix-la-Chapelle - Aquae.

Iste imperio, cuje capital era Aachen, habeva limites que astonantemente correspondeva le limites del prime phase del Union Europee (Le Union de Carbon e Aciero in 1951 e le Tractato de Roma in 1957).

AD 812 le Imperio de Roma del Est ("Byzantio") recognosceva Carolo Magne como imperator e basileus.

-RETRO
CAROLO  GRANDE  E  LE  RENASCENTIA
 CAROLINGE

Carolo Magne non era solmente un grande regente e soldato sed etiam un reformator del vita cultural in su imperio. Le nucleo del politica cultural de Carolo Magne era le reforma de education, pro que on invitava Alcuin ab York, Anglaterra - como "ministro de education de Carolo Magne". Le latino habeva un position clave in le programma de reforma. Illo era le sol lingua, con que on apprendeva se leger, scriber, parlar e cantar. Alcuin reformava mesmo le latino ipse e ille succedeva bastante ben a restablir lo al nivello de su modellos in le antique. Le obra de Alcuin habeva influentia mesmo usque le 19e seculo.

Mesmo Einhard, un amico de Carolo e scriptor de su biographia era un maestro del latino classic.

-RETRO

ALCUIN,  "LE  MINISTRO  DE  CULTURA"  DE
 CAROLO  MAGNE

Carolo Magne considerava que le plus alte responsibilitate de un regente es de esser le educator de su populo. Pro iste scopo ille colligeva circum se le plus excellente assistentes como possibile. On dice que ille era equalmente felice quando ille succedeva "capturar" un persona docte quam quando ille capturava un citate. Un del plus famose homines de litteras era Alcuin, que era educate in le famose schola del monasterio de York, Anglaterra. Carolo Magne incontrava Alcuin in Parma, Italia, quando Alcuin era retornante de su secunde visita a Roma. Carolo invitava le a su capital, Aachen. Alcuin faceva un obra gigantesc pro education le imperio includente le familia de Carolo. Como gratification Carolo faceva le le abbato del monasterio de Tours. Post isto Alcuin era un ric homine - ille habeva i.a. 20 000 servos ...

-RETRO

PREMIO  DE  CAROLO  MAGNE

Aachen - Aken - Aix-la-Chapelle - Aquae - "le prime capital de Europa" - ha assignate desde 1950 le premio de Carolo Magne a personas qui ha se distincte pro Europa. Le prime laureato era Richard Conte Coudenhove-Kalergi, le fundator del Union Paneuropee. Le lista de altere laureatos es impressive: 1953 Jean Monnet, le patre del Union Europee, 1954 Konrad Adenauer, 1955 Sir Winston Churchill, 1957 Paul Henri Spaak, 1958 Robert Schuman, 1959 George C. Marshall, 1976 Leo Tindemans, 1977 Walter Scheel, 1987 prof. dr. Henry A. Kissinger, 1988 Francois Mitterrand e dr. Helmut Kohl, 1991 Vaclav Havel, 1992 Jacques Delors, 1994 Gro Harlem Brundtland, 1999 Tony Blair, 2000 Bill Clinton.

Pro un lista complete, clicca hic, per favor.

-RETRO
LE  SAGA  DE  ROLAND

Roland, un par, era un del subcommandantes del Carolo Magne. Ille moriva AD 778 in le passo de Roncesvalles quando su retroguarda era attaccate per bascos. Le saga de Roland es cognite ubique in Europa. Specialmente in Germania del nord on trova statuas de Roland ("Rolandssäule"), gigantesc statuas de ligno o petra de un cavallero con gladio detracte - un symbolo del justitia e libertate. Cf. le statua de Roland ante le Casa de Capites Nigre in Riga, Latvia.

Sia notate que Catalonia era un parte del imperio de Carolo Magne. Otto von Habsburg diceva in su lectura le 2000-11-14 in Turku/Åbo, Finlandia, que quando le representative de Catalonia vadeva al stato major del Union Europee, ille vadeva via Aachen, pro render homage al memoria de Carolo Magne.

-RETRO

UNION  PANEUROPEE

Le Union Paneuropee ha essite un remarcabile fortia europee del fundo desde del fin del prime guerra mundial. Su figura central era conte Richard Coudenhove-Kalergi. Conte C-K nasceva in Tokyo AD 1894 como filio del carga de affaires de Austria-Hungaria, su matre era un japonessa. Le I guerra mundial finiva a dissolution de Austria-Hungaria e liberation de Finlandia, le  paises baltic e Polonia ex Russia. Le situation de Europa era chaotic post le guerra destructive. Le  conte C-K opinava que pro su superviventia Europa debeva se organisar a un union politic de statos e economicamente a un union doanal.

Conte Coudenhove-Kalergi moriva in 1972. Su successor como presidente del Union Paneuropee es Otto von Habsburg, filio del ultime imperator de Austria-Hungaria. Otto von Habsburg ha essite un membro del Union Paneuropee desde le anno 1936. Benque ille es un filio de imperator, Otto von Habsburg es cognite como un ardente defensor de democratia e de justitia e libertate pro omne nationes.

Lege plus

-RETRO

INTERLINGUA

In iste sito es presentate Europa de Carolo Magne. Ille tentava unir Europa sub un lingua commun, le latino.

Hodie, plus quam unquam Europa besonia un lingua commun pro uso practic. Iste lingua debe esser neutral. Solmente un lingua neutral garanti un equalitate inter tote le nationes europee e salveguarda lor linguas national contra aspirationes hegemonistic de grande potentias sed mesmo sparniar le grande potentias de conflictos linguistic contra potentias rival. DIFFERENTE UNITE!

An nos ha tal lingua? Si, INTERLINGUA! Interlingua es latino modernisate que era developpate como un grande projecto international in 1924-1951. Al projecto participava multe linguistas de fama mundial.

Bruxelles  
Alicia Vanderbilt Morris era le initiator, financiator e musa del projecto. Illa habitava in Bruxelles durante le 1920s e 1930s proque su marito era le ambassador del Statos Unite in Belgica. Hodie Bruxelles es le capital del Union Europee. Lege plus!

Bremen 
Alexander Gode-von Aesch. Le ultime director del IALA (International Auxiliar Language Association). Dr. Gode conduceva le obra al fin successose. Ille ha nascite in Bremen, Germania, sed faceva su obra del vita in New York. Lege plus!

- Paris      André Martinet, un linguista de fama mundial,  comenciava su carriera in le Universitate de Sorbonne, Paris. Ab 1946 ille laborava al IALA como su penultime director. Su obra del vita ille compliva al Universitate de Columbia, le Statos Unite. Professor Martinet moriva in 1999. Ille era membro distinguite del UMI - Union Mundial pro Interlingua. Lege plus!

- Liverpool  Le bureau del IALA se trovava durante le 1930s in Liverpool, Anglaterra. Personas eminente in Liverpool era prof. William E. Collinson e E. Clark Stillman. Eruption del secunde guerra mundial fortiava le bureau del IALA a cambiar a New York. Lege plus!


- Gdansk UMI - Union Mundial pro INTERLINGUA. Conferentia jubilari. Gdansk 2001-07-28--08-04 

-RETRO